भाद्र २५, राजविराज- ६ दिनअघि पति र नन्दबाट बाँधेर तातो डाडुले शरीरको विभिन्न भागमा कुटिएकी सप्तरी मानराजा गाविसकी ४० वर्षिया एक दलित महिलाको विजोग भएको छ । मानराजा ९ बगबिरा स्थित आफ्नै घरमा शोभादेवी सदालाई पति सुन्दर सदा र नन्द घुरनी सदाले उनलाई निर्घात कुटेका थिए ।
शोभादेवीका अनुसार दुबै जनाले उनलाई बाँधेर तातो डाडुले शरीरको विभिन्न भागमा कुटेका हुन् । तातो डाडुले कुट्दा उनको शरीरभरी घाउ बनेको छ । उनको पाँच दिनदेखि राजविराज स्थित गजेन्द्रनारायण सिंह सगरमाथा अञ्चल अस्प्तालमा उपचार भइरहेको छ ।
पति र नन्दको कुटाईबाट घाइते भएकी शोभादेवीलाई घरका कसैले उपचार गर्न अस्पतालसमेत पुर्याइ दिएनन् । कुटाईले अशक्त भएकी उनी बेल्ही चपेना ९ स्थित माईत पुगेपछि त्यहाँबाट उनका भाई लोचन सदाले चारदिन अघि उपचार गर्न अस्पताल ल्याएका थिए ।
घटनाको ६ दिन बित्दा पनि शोभादेवीलाई निर्घात कुट्ने पति र नन्दलाई प्रहरीले पक्राउ गर्न सकेको छैन । प्रहरीका अनुसार आरोपीहरु फरार रहेका छन् ।
No comments:
Post a Comment