काठमाडौँ, भदौँ ३१ गते । एकिकृत नेकपा (माओवादी) सम्बद्ध नेपाल राष्ट्रिय
दलित मुक्ति मोर्चाले संविधानसभाको दोस्रो निर्वाचनमा १३ प्रतिशत दलितलाई
निर्वाचित गराएर जनपंक्षीय संविधान बनाउन माग गरेको छ ।मोर्चाले दोस्रो संविधानभसाको निर्वाचनको मिति सार्ने संभावनाको पनि चर्चा
आएको उल्लेख गर्दै तोकिएकै समयमा संविधानसभाको निर्वाचन सम्पन्न गर्नुपर्ने
माग गरेको छ ।मोर्चाको पाँचौ राष्ट्रिय सम्मेलनबाट निर्वाचित नयाँ नेतृत्वले सोमवार
पत्रकार सम्मेलन गरी गणतन्त्र, संघीयता, धर्मनिारपेक्षता, समावेशीलोकतन्त्र
एवं सामाजिक न्याय लगायतका जनआन्दोलनका उपलब्धीहरु खोजिममा रहेको जनाएको छ
।
त्यसका लागि निर्वाचननै उपउक्त माध्ययम भएकाले तोकिएकै समयमा निर्वाचन
गरिनुको विकल्प नभएको मोर्चाका नवनिर्वाचित अध्यक्ष दलजीत श्रीपालीले
बताउनुभयो ।साथै उहाँले दलित समुदाको हकअधिकार सुनिश्चित गर्न हाल पहिचानसहितको संघीयता, संघीयता सहितको संविधान र सविधनासभाबाटै नयाँ संविधान भन्ने मुलमुद्दा रहेको बताउनुभयो ।
मोर्चाले जातीय, भाषिक, साँस्कृतिक क्षेत्रीय एवं लैङ्गिक उत्पीडनमा परेका समुदाय तथा वर्ग दलित आन्दोलनको मित्र शक्तिको रुपमा लिएर छ । साथै गणतन्त्र, संघीयता, धर्मनिरपेक्षता, समाबेशीलोकतन्त्र, सामाजिक न्याय सहित जातीय भेदभाव तथा छुवाछूत (कसुर सजाय) ऐन २०६८ जस्ता ऐतिहासिक उपलब्धीको रक्षा गरी थप उपलब्धी हासिल गर्न र बिशेषअधिकार सुनिश्चित गर्न संघर्ष गर्नु दलित आन्दोलनको तत्कालीन कार्यदशा भएको अध्यक्ष श्रीपालीले बताउनुभयो ।
जातपात छुवाछूतको दुव्र्यवहार तथा आर्थिक, सामाजिक, साँस्कृतिक, लैङ्गिक, क्षेत्रीय भाषिक लगायतका शोषण उत्पीडनबाट मुक्त भई समतामुलक समाज निर्माण गर्नु दलित आन्दोलनको रणनीति बनेको बताइएको छ ।
साथै मोर्चाले संगठनमा दलित समुदाय भित्रका बिभिन्न जातजातिको समानुपातिक प्रतिनिधित्व गराइने श्रीपालीले बताउनुभयो । भदौँ २८ गते सम्पन्न पाँचौ राष्ट्रिय सम्मेलनले २९९ सदस्यीय केन्द्रिय कार्यसमिति निर्वाचित गरेको छ । त्यसैगरी नेता भुवन सुनारको अध्यक्षतामा ६५ सदस्यीय केन्द्रिय सल्लाहकार परिषद् चयन गरेको छ ।
साभार :- jagaranmediacenter बाट
No comments:
Post a Comment