संयुक्त राजनीतिक दलित संघर्ष समितिले राष्ट्रव्यापी दवावमुलक कार्यक्रम गर्ने

विरु नेपाली

जागरण मिडिया सेन्टर

मंसीर १९, काठमाण्डौ

संयुक्त राजनीतिक दलित संघर्ष समितिले नयाँ संविधान निर्माणका लागि राष्ट्रव्यापी दवावमुलक अभियानका कार्यक्रम गर्ने घोषणा गरेको छ । समितीले आज काठमाण्डौमा पत्रकार भेटघाटको आयोजना गरी  ६ वुदे खाका सहित आफ्नो कार्यक्रम सार्वजनिक गरेको हो ।

भेटघाट कार्यक्रममा संघर्ष समितिको निर्णय सुनाउदै नेपाल राष्ट्रिय दलित मुक्ति मोर्चाका अध्यक्ष दलजीत श्रीपाईलीले देशका मुख्य मुख्य ६ ठाँउहरुमा गरिने वृहत राजनीतिक अन्तरक्रियात्मक वहस कार्यक्रम दलित मैत्री संविधान निर्माणका लागि खवरदारी कार्यक्रम हो, भन्नुभयो । उहाँले संयुक्त राजनीतिक दलित संघर्ष समितीमा अहिले ९ राजनीतिक दलित घटक संगठन वाहेक दलित साझा मुद्धामा थप नयाँ घटक संगठनहरु र दलितसंग सरोकार राख्ने सबै पक्षहरुसंग सहकार्य गरिने बताउनु भयो ।

नेपाल राष्ट्रिय दलित मुक्ति मोर्चा चौथो सम्मेलनका संयोजक तिलक परियारले विगतका विभिन्न आन्दोलनहरुका दलितका उपलव्धिहरु तथा अन्तरिम संविधानमा उल्लेखित दलितका प्रावधान समेत खोसिन लागेकाले यो आमसभा कायक्रम जरुरी छ भन्नुभयो ।

यही पुष ६ गते मध्यमाञ्चलको नारायणगढवाट सुरु गरिने खवरदारी कार्यक्रम मुलुकका विभिन्न मुख्य ६ ठाउहरुमा हुने संघर्ष समितीको प्रेस विज्ञप्तीमा उल्लेख छ ।