सुखीपुर (सिरहा), पुस ८ गते । तराई लगायत देशभरी नै जाडो बढन थालेपछि नेपाल शेयरको आयोजना तथा नेपाल प्रहरी श्रीमती संघले सिरहाको १७ वटा गाविसमा गरिब असहायहरुलाई कम्बल वितरण गरेपछि कम्बल पाउना साथ गाउँका दलितहरु हर्षित भएको छ ।
बढ्दो जाडोसँगै सितलहरबाट प्रभावित गरिब तथा असहायहरुलाई जाडो छल्नको लागि सिरहाको सोठीयाईन , महदेवा पोर्तहा लगायतका दक्षिणवत्र्ती गाविसका विभिन्न वडाहरुमा संघले ४ सय ५० थान कम्बर वितरण गरेको हो ।
प्रहरी नायब उपनिरीक्षक ज्ञानेन्द्र कुमार फुयालको नेतृत्वमा गाउँ गाउँ गएर एक घर परिवार एक सदस्य गरी ४ सय ५० वटा कम्बल वितरण गरिएको छ भने संघले डाक्टरद्धरा स्वाथ्य चेकजाँच तथा औषधि वितरण गरेको वडा प्रहरी कार्यालयले जानकारीदिनुभयो ।
दलित तथा विपन्न वर्गका व्यक्तिहरुको शितलहकै कारणबाट ज्यान गुमाउनु नपरोस भन्ने मनसायले कम्बल वितरण गर्नको लागि नेपाल प्रहरी श्रीमती संघले अभियान नै संचालन गरेको छ ।
तराई जिल्ला सहित पहाडी जिल्लाको शितलहर प्रभावित क्षेत्रमा जाडो महिना सम्म कम्बल वितरण हरेक बर्षको जाडो महिनामा कम्बल लगायत न्यानो लुगा वितरण गर्दै आएको छ ।
No comments:
Post a Comment