धारामा पानी भर्ने क्रममा दलित भएको भन्दै दुर्व्यवहार

 असोज १७ गते,तनहुँ । क्यामिन गाविस-१ कलेस्ती घर भई हाल व्यास नपा-११ बस्दै आएकी २७ वर्षीया भगवती परियारलाई बारा जिल्ला, कलैया घर भई हाल सोही ठाउँ बस्दै आएकी सुनैनाकुमारी साहले असोज १५ गते दलित भएको भन्दै दुर्व्यवहार गरिन् । धारामा पानी भर्ने क्रममा सुनैनाकुमारीले आफूलाई दलित भएको भन्दै अपमान गरी दुर्व्यवहार गरेको भगवतीले बताईन् ।

जातिय विभेद गरेको आरोमा भगवतीले असोज १६ गते जिल्ला प्रहरी कार्यालयमा निवेदन दिएपछि प्रहरीले सुनैनाकुमारीलाई गिरफ्तार गरी हिरासतमा राखेको छ । सुनैनाले यस अघि पनि आफूलाई पटक/पटक दुर्व्यवहार गरेको बताईन् । डिएसपी चक्रराज जोशीले सुनैनाकुमारीलाई जातीय विभेद गरेको अभियोगमा कानुनी कारबाही गरिने बताए ।