कान्तिपुर दैनिकका जिल्ला संवाददाता पूर्ण विके माथि दुर्व्यवहार

०७० असोज १७ गते तनहुँ । क्यामिन गाविस-१ निवासी कान्तिपुर दैनिकका जिल्ला संवाददाता पूर्ण विकेलाई व्यास नपा-११ दमौलीका सुरेन्द्र अधिकारीले असोज १६ गते राती दुर्व्यवहार गरेका छन् । अधिकारीको घरमा भाडामा बस्ने सुनैनाकुमारी र भगवती परियार बीच भएको जातीय विभेद सम्बन्धी समाचार सङ्कलन गरी फर्कने क्रममा घरधनी अधिकारीले पत्रकार भएको परिचय दिँदा समेत विकेलाई अमशब्द बोल्दै दुर्व्यवहार गरेका थिए ।

यसैबीच, पत्रकारलाई दुर्व्यहवार गरेको घटनाप्रति पत्रकार महासंघले आपत्ति जनाएको छ । जिल्ला प्रहरी कार्यालयका एसपी गोपीमान श्रेष्ठले पत्रकार दुर्व्यवहारमा पर्नु दुःखद भएको बताए । उनले अधिकारीलाई कारबाही गर्न आफू तयार रहेको बताए ।