सुर्खेत, ९ जेठ - विभेद बिरुद्ध अभियान । सुर्खेतमा श्रीमतीलाई खुकुरी हानेर एक युवकले हत्या गरेका छन् ।वीरेन्द्रनगर नगरपालिका १४ नयाँगाउँमा १९ वर्षीया गीता नेपालीलाई २३ वर्षीय तुलसी नेपालीले खुकुरीले हानेर हत्या गरेका हुन् ।
शुक्रबार राति नयाँगाउँमा रहेको आफ्नै घरमा खुकुरीले हानेर तुलसी भागेका थिए । खुकुरी गीताको दाहिने गर्दन र बायाँ हातको कुइनामा प्रहार भएको जिल्ला प्रहरी कार्यालयका प्रहरी निरीक्षक भरत चौधरीले बताए । हत्याको कारण खुल्न सकेको छैन ।
फरार तुलसीलाई वीरेन्द्रनगर १७ बाट घाइते अवस्थामा पक्राउ गरिएको निरीक्षक चौधरीले बताए ।
तुलसीले पत्नीको हत्यापछि आफू पनि पेटमा खुकुरी प्रहार गरी आत्महत्याको प्रयास गरेका थिए ।प्रहरीले तुलसीले आत्महत्याको प्रयास गरेका हुन् वा अरु कसैले खुकुरी प्रहार गरेको भन्ने विषयमा अनुसन्धान भइरहेको उल्लेख गरेको छ ।
घाइते तुलसीको क्षेत्रीय अस्पताल कालागाउँमा उपचार भइरहेको छ ।करिव ५ वर्षअघि विवाह गरेका गीता र उनका श्रीमान् तुलसीवीच कहिल्यै विवाद नभएको गाउँले बताएका छन् । तर श्रीमतीको हत्या गरेको घटनाले गाँउलेहरू अचम्मित भएका छन् । उनीहरूको ४ वर्षका एक छोरा छन ।तुलसीले मजदुरीको काम गरेर घर खर्च चलाउँदै आएका थिए ।
-स्रोत #सौर्य दैनिक
No comments:
Post a Comment