विभेद बिरुद अभियान ।१४ जेष्ठ, २०७२- पाल्पा- तीन महिने शिशु सन्दिप कामीको निधन भएको छ। जिउभन्दा टाउककोको भार बढी भएका, ओठ र नाक काटिएका, एउटा आँखा सानो र शरीरका अङ्ग राम्रो विकास नभएका सन्दिपको बिहीबार पाल्पाको आफ्नै घरमा निधन भएको हो। जन्मदै उनको अनौठो शारीरिक बनोट थियो। उनी पाल्पा कोलडाँडा-७ बिस्कुन डाँडाकी मिना कामीको पहिलो सन्तान थिए। तानसेन प्रभासस्थिति लुम्बिनी मेडिकल कलेजमा उनको जन्म भएको थियो। आर्थिक अभावका कारण परिवारले उनको उपचार गर्न सकेका थिएनन्।
नागरिक अनलाइनमा उनीबारे समाचार र भिडियो रिपोर्ट प्रकाशित/प्रशारित भएपछि लुम्बिनी सम्पर्क मञ्च साउदी अरेवियाबाट उपचारका लागि ५० हजार नगद प्राप्त भएको थियो। अमेरिका बस्ने रविन्सन साप्कोटाको पहलमा पचास हजार नगद जुटेको थियो। उनको उपचारका लागि विवेकशिल नेपाली संस्थाका सदस्यहरूले परिवारलाई राजधानी बोलाएका थिए। भारतको दर्जिलिङका आइता सिंघले उपचारका लागि पहल सुरू गरेका थिए।
'उपचारका लागि काठमाडौंबाट बोलाउनुभएको थियो,' आमा मीनाले भनिन्, 'भूकम्पको डरले अलि पछि जाने विचारमा थियौं।' मीनाको परिवार भूकम्पले घर भत्केपछि बारीमा कष्ट सहेर अस्थायी छाप्रोमा बस्दै आएका छन्।
source:- नागरिक
No comments:
Post a Comment