ओखलढुंगा कटुञ्जेका ३२ घर दलित समुदायलाई अस्थायी टहरो निर्माण

ओखलढुंगा, जेठ १६ ०७२ , विभेद बिरुद्ध अभियान – राष्ट्रिय कृषक समुुह महासंघ नेपाल ओखलढुंगाले कटुञ्जेका दलित वस्तीका भूकम्प पीडितहरुलाई राहत वितरण गरेको छ । केयर नेपालको आर्थिक सहयोगमा स्थानीय ३२ घर दलित समुदायलाई अस्थायी टहरो निर्माणका लागि  आर्थिक सहयोग गरेएको हो ।

गाविसका अति कमजोर आर्थिक अवस्थाका दलित परिवार छनौट गरेर ४ हजार ४ सय रुपैंयाका दरले १ लाख १ हजार २ सय राहत वितरण गरिएको गाउँ महासंघ कटुञ्जेका अध्यक्ष सुशील कार्कीले जानकारी दिनुभयो । उहाँका अनुसार महासंघले कटुञ्जे सँगै कार्यक्रम सञ्चालित जिल्लाका १० वटा गाविसका भूकम्प पीडितलाई तत्कालका लागि राहत वितरण गर्नेछ ।