विवाहमा बाजा बजाएर घर फर्कने क्रममा भीरबाट लडेर तीन जनाको मृत्यु

जाजरकोट, मंसिर २२ – विवाहमा बाजा बजाएर घर फर्कने क्रममा भीरबाट लडेर जाजरकोटमा तीन जनाको ज्यान गएको छ ।दह गाविस ४ जुम्लीखोलाको भीरबाट लडेर दह ४ का २७ बर्षका प्रेमबहादुर दमाई र २५ बर्षका मुने दमाई तथा दह ३ का ३१ बर्षका सुर्मे दमाईको ज्यान गएको प्रहरी प्रमुख डिएसपी चक्रबहादुर सिंहले जानकारी दिनुभयो ।

 दह २ जुर्कका अमरबहादुर बुढाको विवाहमा बाजा बजाउन गएका उनीहरु विवाह सकेर फर्कने क्रममा लडेका हुन् ।शुक्रवार रातीदेखि हराइरहेका उनीहरु शनिवार मृत अवस्थामा फेला परेका हुन् । धेरै मादक पदार्थ सेवन गरेका उनीहरु साँघुरो र भिरालो बाटोमा पनि दमाहा सहित रातीमा अध्याँरोमा  हिडेकोले लडेको हुनसक्ने प्रहरीको अनुमान छ ।
साभार :- उज्यालो