दलित भएको थाह पाएपछि घरबेटीले कोठामा जादा बस्न नदिने भनेर गलहत्याए

रमेश अधिकारी –चैत १६ -जातिय हिंशा र छुवाछुतको समस्या दुर दराज, अशिक्षित र गरिबी भएको ठाउमा मात्र हुने भनेर केहि समाजशास्त्री र राजनीतिज्ञहरुले भन्दै आइरहेको बेला देशको राजधानी काठमाडौँमै छुवाछुतका घटना बढ्न थालेका छन् ।
आइतबार पनि एक जेहेन्दार बिद्यार्थीले ‘दलित’ भएकै कारण काठमाडौँमा अपमानित मात्र हुनु परेन भाडा तिरेर कार्पेट र पर्दा समेत ‘फिट’ गरिसकेको कोठा समेत छोड्नुपर्ने स्थिति सिर्जना गराइयो ।   दलित भएको थाह पाएपछि एक महिनाको भाडा समेत तिरी कोठामा कार्पेट र पर्दा समेत राखिसकेका लम्जुंग बाट मेडिकल इन्ट्रान्स तयारीका काठमाडौँ आएका गणेश परियार(नाम परिवर्तन: पिडितको आग्रहमा परिपर्तन गरिएको- सं)लाइ काठमाडौँको स्विचाटारका घरबेटी दम्पति जमुना भट्टराई र कृष्णचन्द्र भट्टराइले बलजफ्ती घरबाट अपमानित ढंगले निकालेका छन् ।
“शुरुमा राम्रो पढ्ने रैछौ हामीलाई यस्तै मान्छे भाडामा राख्न मन थियो भनेर एक महिनाको अग्रिम भाडा समेत लिए”- परियारले सुनौलोखबर संग भने-” त्यसपछि मैले कोठामा कार्पेट र पर्दा समेत हालेर भोलि सर्ने भनि सथिकोमा गए । तर बेलुका फोन गरेर जात सेधेका घरबेटीले आज कोठामा जादा बस्न नदिने भनेर गलहत्याएर निकाले” ।   आँखामा आशु टिलपिल टिलपिल पार्दै परियारले आफुलाइ यस घटनाले अत्यन्तै गहिरो चोट लागेको पिडा व्यक्त गरे ।   परियारको घटना विवरण सुने पछि शान्तिका लागि साझा अभियान (कोक्याप) को सहयोगमा छुवाछुतजन्य व्यवहार गर्ने भट्टराइ दम्पति बिरुद्द महानगरीय प्रहरी वृत्त कालिमाटीमा किटानी जाहेरी हालिएको संस्थाका कार्यक्रम ब्यबस्थापक सरोज नेपालले जानकारी दिए ।

स्रोत http://www.sunaulokhabar.com/