 |
| गुल्मी केयर विश्व सञ्जालले एक लाख लागतमा बनाई दिएको मुसिकोट ९ का भुवन घर्तीको नमुना घर |
घर्तीको एक लाख लागतमा नुमना घरका रुपमा बनाई दिएको छ भने बिकको करिव ५० हजार लागतमा बनाई दिएको छ । उक्त घर मुसिकोट ५ देउराली घर भई ईजरायलमा कार्यरत सञ्जालकी कोषाध्यक्ष विद्या कार्कीको विशेष पहलमा सञ्जालले निर्माण गरी दिएको हो । क्यानाडामा व्यवसाय गर्ने चितवन भरतपुर निवासी घनाश्याम कंडेल उनकी धर्मपत्नी पुष्पा कंडेलले आफ्नो रेष्टुरेण्टमा सहयोग संकल बक्स राखेर संकलन भएको रकमबाट उनिहरुको घर निर्माण खर्च जुटाईएको सञ्जालका अध्यक्ष मानबहादुर कुँवरद्धारा जारी विज्ञप्तीमा उल्लेख छ ।
उनी सहित उपाध्यक्ष कैलाश केसी, सचिव सुरेश बोहरा, सह सचिव सागर कार्की, कोषाध्यक्ष विद्या कार्की लगायतद्धारा हस्ताक्षरित जारी विज्ञप्तीमा अति विपन्न परिवार घर्ती र बिकलाई घरवासको व्यवस्था गर्न पाएकोमा सन्तोष व्यक्त गर्दै सहयोगदाता र स्थानिय तहमा खटेर घर निर्माणमा सहयोग पुराउने कोषाध्यक्ष कार्कीका पिता मिनबहादुर कार्की, माता मोतीकला कार्की , भिनाजु हरि महत र दिदी कोपिला महतप्रति धन्यबाद प्रकट गरिएको छ । स्थानिय राजनैतिक संयन्त्रको उपस्थितीमा एक समारोहका विच घर्ती र बिकको घर उनै कार्की दम्पत्ती र समाजकी सह कोषाध्यक्ष राधिका कुँवर, विशेष जिल्ला प्रतिनिधीहरु प्रेम सुनार , तारा भुसाल , नारायणप्रसाद भण्डारीले हस्तान्तरण गरेका थिए ।
फोक्सोमा पानी जमेर भारत उपचार गर्न जाँदा ४ लाख ऋण लागेको र आफ्नो पुरै जग्गा बेचे पनि ऋण तिर्न सक्ने अवस्थामा रहेको थिएँ’ घर्तीले गहभरी आँशु पार्दै भने यस्तो अवस्थामा घर बनाउने सपना समेत देख्न सकेको थिएन तर विदेशमा वस्नेहरुले घर बनाई दिएकोमा मेरो आत्माले आशिष दिएको छ । उनकी ११ वर्षिया छोरी कमला सुस्त मनस्थितीकी छन् । एउटी १५ महिने छोरा काँखमा लिदै उनकी श्रीमती विष्णु घर्तीले पनि भक्कानो छाड्दै भनिन्–‘ केहि आई उपाय नलागेर सेउले छाप्रोमा वसेका थियौ, अहिले घर बनाई दिनु भयो, उहाँहरुको जय होस् ।’
अर्का अति विपन्न बिक परिवारले पनि विदेशमा बस्ने नेपालीहरुले आफुहरुलाई सरकारले गर्न नसकेको काम गरेर ठुलो गुन लगाएको बताए । स्थानिय राजनैतिक दलहरुको तर्फबाट बोल्दै नेपाली कांग्रेस मुसिकोटका सभापति एवं पुर्व गाविस अध्यक्ष अजुर्न सिंह ठकुरीले पनि राज्यले गर्न नसकेको काम सञ्जालले गरेको प्रति गाविसको तर्फबाट कृतज्ञता जाहेर गरे । सञ्जाले त्यस गाविस वडा नम्वर ७ का डोलबहादुर शाहीलाई पनि घर छाउने तिन वण्डल जस्ता पाता र आवस्यक काँटी समेत उपल्व्ध गराएको छ । त्यस्तै सञ्जालका सह सचिव सागर कार्कीको पहलमा वडागाउँ ८ की अति विपन्न उजेली परियार र मैना परियारलाई २० ÷ २० पता जस्ता र काँटी प्रदान गरेको छ । उक्त पाता बडागाउँ धरमपानी निवासी सागरका पिता गोपाल कार्कीले हस्तान्तरण गरेका थिए ।
कार्यक्रममा नेकपा एमालेका प्रतिनिधी हरि कुँवर, एकिकृत नेकपा माओवादीका ज्ञानेश्वर घिमिरे, मुसिकोट गाविस कार्यालयका प्रतिनिधी गोपाल नेपाली, वडा नागरिक मञ्चकी संयोजक ललिता चालिसे , युवा व्यवसायी रामु केसी लगायतको सहभागिता थियो । सञ्जालकी सह कोषाध्क्ष राधिका कुँवरको अध्यक्षतामा सम्पन्न कार्यक्रममा जिल्ला प्रतिनिधी तारा भुसालको स्वागत मन्तव्य रहेको थियो भने अर्का प्रतिनिधी नारायणप्रसाद भण्डारीले सञ्जालद्धारा जारी विज्ञप्ती पढेर सुनाएका थिए । कार्यक्रमको सञ्चालन अर्का प्रतिनिधी प्रेम सुनारले गरेका थिए ।
यसैवीच नेपाल तरुण दल गुल्मी क्षेत्र नम्वर ३ ले गुल्मी केयर विश्व सञ्जाल परिवारलाई सम्मान गरेको छ । गुल्मी केयर विश्व सञ्जालद्धारा जिल्लाका भुकम्प पिडित ५० औं घरधुरी विपन्न परिवारहरुलाई पुर्नवास कार्यक्रम सञ्चालन गरेको र अन्य असाहयहरुको उद्धार समेत गर्दै आएको भन्दै सो संगठनले हस्तीचौरमा एक समारोहका विच सम्मान गरेको हो ।
 |
| तरुण दलद्धारा सम्मानित हुँदै गुल्मी केयर विश्व सञ्जालकी सह–कोषाध्यक्ष राधिका कुँवर |
स्रोत- इबागलुङ
No comments:
Post a Comment