गुल्मी, १५ असार,विभेद विरुद्ध अभियान । भारतको लखनऊमा मजदुरी गरिरहेका बमबहादुर सुनार श्रीमतीलाई मुटुरोगले च्यापेपछि विचल्लीमा परेका छन् । लखनउको किङ जर्जेज मेडिकल युनिभर्सिटीले उनकी श्रीमती सलिना सुनारलाई एक महिनाभित्रै अपरेसन नगरिए बचाउन नसकिने बताएको छ । सुनारका अनुसार सो अस्पतालले अपरेसनका लागि मात्रै दुई लाख लाग्ने जानकारी दिएको छ । तर होटलमा मजदुरी गरेर जेनतेन गुजारा गरिरहेका सुनार त्यत्रो रकम जुटाउने अवस्थामा छैनन् । उनले सहयोगका लागि सार्वजनिक अपिल गरेका छन् ।
सुनार दम्पत्तिका १० महिनाको छोरा छन् । यसअघि नेपालमा उपचार गर्ने क्रममा चार लाख खर्च भइसकेको उनले बताए । गुल्मीस्थित आफ्नो घर धितो राखेर ऋण लिइ उनले सो खर्च जुटाएका थिए ।
‘मेरो नोकरीको कमाई एकदम नै न्यून छ । एक महिना भित्र अप्रेशन गर्ने मेरो कुनै उपाय छैन । म देशविदेशमा रहनुभएका सम्पूर्ण नेपाली दाजुभाइ, दिदीबहिनीसँग सहयोगको अपेक्षा राखेको छु,’ एक अपिल जारी गरी उनले भनेका छन्, ‘आफ्नो तर्फबाट सक्दो सहयोग गरी मेरो १० महिने छोरालाई मातृ स्नेह पाउनबाट बञ्चित नगराई मेरो श्रीमतीलाई बचाई दिनुहुन विनम्र अनुरोध गर्दछु ।’
उनले सहयोग गर्न इच्छुकहरुलाई नेपालको एसबीआई बैङ्कको गुल्मी शाखामा रहेको बैङ्क खाता नम्बर २०९१५२४१४०४८८६ मा रकम जम्मा गर्न आग्रह गरेका छन् ।
स्रोत :- अनलाइनखबर
No comments:
Post a Comment